বিহঙ্গ দৃষ্টিৰে পৃথৱী

লুইতৰ পাৰত বহি

গঙ্গাৰ ওপৰেদি 

ভল্গা নদীলৈ চালোঁ ,

ভল্গাৰ পাৰত

জুই ফুল ফুলিছে

  উত্তাপত তাৰ পৃথিৱী দহিছে

 যেন মানুহ পোৰাৰ গোন্ধ পালোঁ।

সৌ হিমালয়

সিপাৰে শুনিছোঁ 

হুৱাংহোৰ গৰ্জন ,

বিশ্ব অধিপতি হোৱাৰ কামনাৰে 

কৰিছে শক্তি অৰ্জন।

ফেনে ফুটুকাৰে

মিচি চিপি বাঢ়িছে 

 পৃথিৱী বুৰাব বানে ,

  মহা শক্তিৰ যুঁজৰ দৌৰত বিজয়ী নহয় মানে ।

মৰুৰ দেশতো 

 জ্বলিছে জুই

  মানৱতাৰ অৱসান,

   পৃথিৱী নাথাকিলে

    ক'ত নো থাকিবা

 ভাবাচোন অকনমান।

                                

ৰাতুল চেতিয়া ফুকন